15

G.—l

PANUITANGA.

Wm. F. Drummond Jervois, Kawana. Ki nga tangata katoa e whai tikanga ana ki enei mea, ara, ki a Alexander Mackay (Te Make), Kai-wrhakawa o te Kooti Whakawa Whenua Maori: Tena koe. Notemea e kiia ana e etahi tangata Maori o te Middle Island (Te Waipounamu) kua kiia ranei mo te taha ki a ratou, kahore ano i whakaritea he whenua mo ratou, a notemea e kiia ana e etahi atu Maori, kua kiia ranei mo te taha ki a ratou, kahore i ata rite te rahinga o nga Whenua Rahui, Whenua Whakatau ranei i whakaritea mo ratou i mua hei mahinga hei nohoanga mo ratou ; a notemea hoki e kiia ana hoki tena ano etahi hawhe-kaihe i te Waipounamu kahore nei ano i whakahaerea he tikanga i roto i etahi o nga Ture kua paahitia e te Paremete o Niu Tireni e ahei ai te tuku atu he whenua ki nga hawhe-kaihe. A notemea he mea tika kia whakaturia tetahi Komihana hei uiui i nga tikanga o aua tangata katoa e noho pera ana: Na tenei ahau a Sir William Francis Drummond Jervois, te Kawana ote Koroni o Niu Tireni i runga i te kupu tohutohu mc'te kupu whakaae o te Kaunihera Whiriwhiri o taua Koroni, he tino tau no taku whakaaro ki to tino mohio me to whakaaro nui me to tika, ka whakatu nei ahau i a koe, taua Alexander Mackay (Te Make), hei Komihana hei uiui hoi whakaatu mai hoki i runga i nga tikanga ka kiia a muri akei nei, ara : — 1. Ki te uiui i nga tikanga o nga Maori katoa e kiia ana kahore ana i whakaritea he whenua mo ratou: 2. Ki te uiui i nga tikanga katoa e kiia ana kahore i ata rite te rahinga o nga whenua i whakaritea i mua hei mahinga hei nohoanga mo nga tangata Maori i whakaritea nei mo ratou aua whenua: 3. Ki te uiui i nga tikanga o nga hawhe-kaihe katoa i te Waipounamu, k&hore nei ano i uru o ratou ingoa ki roto ki tetahi ki etahi Ture ranei o te Paremete kahore nei ano i whakaritea he whenua mo ratou: 4. Ki te uiui ki te whakaatu mai hoki i nga ingoa, nga kainga, me te whakaatu mai hoki mehemea ho.tane he wahine ranei ratou, me te tohutohu mai hoki kia pehea te nui o te whenua ko ehea takiwa e pai ana kia whea kia whakataua ho whenua mahinga, whenua nohoanga mo ia tangata mo ia tangata o ratou: Me te mahi, te whakahaere hoki i era atu mahi, tikanga, mea katoa e tika ana kia mahia kia whakahaerea i runga i nga tikanga o tenei pukapuka whakamana, a i runga i te whakahaerenga o aua uiuinga, a hei mea hoki e taea ai nga tikanga oroto, ka ahei koe kite tono kia whakikorero te tangata i runga i te tikanga oati, tikanga pewhea atu ranei e mohiotia ana e koe e tika ana, me te whakaatu mai hoki i o whakaaro mo runga i taua uiuinga. A i runga ite kupu tohutohu me te kupu whakaae o taua Kaunihera, ka mea atu nei ahau kia hohorotia mai i roto i nga marama tekau-ma-rua i muri iho o te ra e tuhituhia ai tenei ki mua mai ranei ki te taea e koe te pera, me tuku mai e koe ki au i raro i to ringa me to hiiri o whakaaro i puta i raro i to uiuinga i runga i nga mea me nga take e uittia ana e koe i raro i tenei meatanga, a i runga ano i taua whakaaetanga o taua Kaunihera ka ki nei ahau ka whai mana taua Komihana, a me haere koe ka ahei hoki koe taua Komihana ki te haese i ia wa i ia wa ki te wahi ki nga wahi ranei e whakaaro ai koe e tika ana, ki te whakahaere i taua mahi, ahakoa kahore e honu tonu te uiuinga i te mea kihai i whakanukuhia te uiuinga. He mea tuku atu i raro i to ringa a Sir William Francis Drummond Jervois, Kawana , . ote Koroni o Niu Tireni, he mea whakaputa atu i raro ite Hiiri o taua Koroni *• '"' nei, ite Whare ote Kawana i Poneke, i tenei te tekau-ma-rua o nga ra o Mei i te tau o te tatou Ariki kotahi mano e waru rau e waru tekau ma ono. Forster Goring, Na Te Paranihi (J. Ballance). Kaituhituhi o te Kaunihera Whiriwhiri.

Wm. F. Drummond Jervois, Kawana. Notemea he mea tika kia whakanuia ake nga mana kua tau i runga i tenei Komihana. Tenei ahau a Sir William Francis Drummond Jervois, te Kawana o te Koroni o Niu Tireni, i runga i te kupu tohutohu me te kupu whakaae o te Kaunihera Whiriwhiri o taua Koroni, ka whakanui nei i nga mana o te Komihana kua whakaturia nei, mana apiti atu ki nga tikanga e meingatia ana kia uittia kia whakaaturia mai hoki i raro i nga tikanga o nga rarangi Nama 1, 2, 3, me 4, ara, whakamana i taua Komihana ki te uiui ki te whakaatu mai hoki, mehemea e hiahia ana e whakaae ana ranei nga Maori whai tikanga ki runga ki te Komihana i whakaturia i te tau 1879, hei uiui hei titiro hoki i etahi tikanga o te mahi hoko whenua i te Waipounamu i whakahuatia i roto i taua Komihana kua whakaaturia i runga ake nei, kia riro he whenua i a ratou hei tono whakaoti i a ratou take tono ki te Kawanatanga, mo te korenga ea o tetahi o etahi o nga tikanga o aua hoko, kupu whakaetanga ranei i runga i aua hoko, me te tohutohu mai hoki kia pehea te nui o te whenua ko ehea takiwa e pai ana kia wehea mo runga i taua tikanga. Aka ki nei ahau me tu tonu enei mana hou hei wahi o te Komihana tuatahi, a me korero me whakahaere hoki, me te mea and kua whakaurua ki roto ki taua Komihana. He mea tuku atu i raro i te ringa a Sir William Francis Drummond Jervois, Kawana o te , >, Koroni o Niu Tireni, he mea whakaputa atu i raro ite Hiiri o taua Koroni nei, ite *• ' "' Whare o te Kawana i Poneke, i tenei te 20 o nga ra o Hurae, i to tau o te tatou Ariki, kotahi mano e waru rau e ono tekau ma ono. Forster Goring, Na Te Paranihi (J. Ballance). Kaituhituhi o te Kaunihera Whiriwhiri. {Approximate Cost of Paper.— Preparation, nil; printing (700 copies), £11 4s. Gd.]

By Authority: Geobge Didsbuby, Government Printer, Wellington,—lBBB,