34

G.—4

A ko nga tangata e ono e mau ake nei nga ingoa i raro he tangata i kowhiria i roto 1 a ratou e nga tangata nona te whenua hei mema mo te Komiti Hapu mo Otairi Poraka, a i whakaaetia ano hoki e nga tangata katoa o taua whenua i tae mai ki te aroaro o tenei Komihana i te nohoanga ki Whakatane i te 8 o nga ra o Maehe, 1907. 1. Tihema te Hau. 4- Peraniko Kapeta. 2. Raka Mehaka. 5. Haare Haare. 3. Hahona Heemi. 6. Manuka Puritia. Gilbert Mair (Tawa). D. F. G. Barclay (Pakere). Pakatene Ngata. Maungapohatu Poraka. Piira Nama 27.—A Mata Tako. I whakaaetia tenei piira e nga tangata nona te whenua, a i penei te whakaotinga i whakaaetia : — (1.) Me hoatu kia tekau ma waru nga hea kia Mata Tako hei apiti atu ki ona hea e rua o mua e mau na i te taha o tona ingoa (Nama 386) i roto i te ota ; ka tae ai ki te rua tekau hea he paanga mona. (2.) Ko ana tamariki me ana mokopuna, hui katoa e waru tangata, me whakauru atu ki te rarangi ingoa, a ko nga hea mo ratou hui katoa e wha tekau ; ara e rima hea mo ia mea kotahi o ratou. Ki ta matou whakaaro me whakapumau tena whakaotinga. Piira Nama 29.—A Te Rahui Hoera, he whakauru ite ingoa kotahi o Hariata te Rahui (f., 7) kia tekau hea mona. Piira Nama 30. A Matiu te Kurapa me etahi atu, he whakauru i a Matiu te Kurapa, m., tekau hea ; Te Mauniko Matiu, f., e rima hea ; me Hera Mika, 1., e wha hea. Piira Nama 28.—A Hori Pikitia Teihana ; e tono ana kia whakaurua te ingoa o Hori Pikitia Teihana, L, kia rua tekau hea mona. Piira Nama 31. A Waaka Paraone te Ranui me etahi atu. I unuhia tenei piira e Akuhata te Kaha mo te taha ki te kai-piira i te 28 o Hanuere, 1907. Kaore kau he whakahe i whakapuakina ki te aroarq, o tenei Komihana mo enei piira katoa; no reira e penei atu ana ta matou kupu, me whakapumau enei whakaotinga mo ia o aua keehi kua oti ake nei te whakamarama i runga ake nei. Piira Nama 26, 32, 33, 34, me 35.—K0 enei piira e rima ka wehea atu i naianei kia kotahi ai te whakahaeretanga mo te keehi i whakaarahia e Wi Pere me ona hapu o Ngati Kahungunu, a muri ake nei te korerotia ai e tenei Komihana. Ko nga tangata e whitu e mau ake nei nga ingoa i raro he tangata i kowhiria e te hunga nona te whenua i roto i a ratou hei mema mo te Komiti Hapu mo tenei poraka, a i whakaaetia ano hoki e nga tangata katoa o taua whenua i tae mai ki te aroaro o tenei Komihana i te nohoanga ki Whakatane i te 8 o nga ra o Maehe, 1907. 1. Numia te Ruakariata. 5. Te Tuhi Pihopa. 2. Te Whetu te Paerata. 6. Te Paoro Tangohau. 3. Te Wakaunua Houpepe. 7. Akuhata te Kaha. 4. Rakuraku Rehua. Gilbert Mair (Tawa). D. F. G. Barclay (Pakere). Paratenb Ngata. Te Waibiko Poraka. Piira Nama 37.—A Mehaka Tokopounamu, he whakauru i nga tangata tekau ma toru, e mau nei o ratou ingoa me o ratou hea i roto i te rarangi kua apititia atu ki te ota tuatahi, a kua tohungia ki te Nama 184 tae noa ki te Nama 196. Ko tenei kereme i whakaaetia ite aroaro o tenei Komihana; no reira e penei atu ana matou, me whakauru atu aua tangata tekau ma toru, me nga hea e mau na i te taha o o ratou ingoa, ki te ota mo tenei poraka. Piira Nama 36.—A Taihakoa Poniwahio me etahi atu. e tono ana ko nga ingoa o nga tangata e rima tekau ma rima, timata atu i te Nama 180 tae noa ki te Nama 234, me patu atu ki waho o te ota mo tenei poraka, i runga i te mea e kiia ana kaore he take ki te whenua. Ko tenei kereme kaore i whakahengia e nga tangata no ratou nga ingoa e whakahengia nei e nga kai-piira, i te 29 o Haunere, 1907, tae noa ki te ra whakamutunga o te nohoanga o tenei Komihana ki Te Whaiti, ara te 28 o nga ra o Maehe, 1907. Ki ta matou whakaaro e tika ana tenei piira, a no reira me patu atu nga ingoa o aua tangata e rima tekau ma rima kua kiia ake nei me o ratou hea, kia kore atu i roto i te ota tuatahi. Ko nga tangata e ono e mau ake nei nga ingoa i raro he tangata i kowhiria e nga tangata nona te whenua i roto i a ratou hei mema mo te Komiti Hapu mo Te Wairiko Poraka, a i whakaaetia ano