G.—4

41

Ko nga tangata e whitu e mau ake nei nga ingoa i raro he tangata i kowhiria e nga tangata nona fce whenua i roto i a ratou hei mema mo te Koraiti Hapu mo tenei poraka, a i whakaaetia ano hold e nga tangata katoa o tana whenua i tae mai ki te aroaro o tenei Komihana i te nohoanga ki Whakatane i te 8 o nga ra o Maehe, 1907. 1. Te Wharau Tapuae. 5. Tupaea Eapaere. 2. Paiaka Rakuraku. 6. Te Pou Papaka. 3. Paora Kingi Paora. 7. Tupara Kaaho. 4. Te Paoro Tangohau. Gilbert Mair (Tawa). D. F. G. Barclay (Pakere). Paratene Ngata. Taneatua Poraka. Piira Nama 80.—A Tamehana te Puia me etahi atu. Ko tenei piira i unuhia ; ai te mea kaore he kai-whakahe koia matou ka tohutohu penei atu na me whakakore atu tenei piira. Piira Nama 81.—A Tupara Tamana me etahi atu ; e whakahe ana ki etahi ingoa tangata i roto i te ota, hui katoa e toru tekau ma wha nga tangata e whakahengia ana. I whakahaerea ete kai-piira tana keehi whakahe mo aua tangata, engari i unuhia e ia te wahi o tana piira e tono nei Ida whakauruhia atu etahi ingoa hou ki te ota. Kua ata uiuia kua ata whiriwhiria hoki tenei keehi e tenei Komihana, a i kitea e matou ko aua tangata e whakahengia nei, no ratou tetahi piihi whenua i roto i tenei poraka, kua tohungia ki te reta "E " e te Komihana tuatahi, a i whakaurua ano hoki aua ingoa mo taua piihi e taua Komihana ; a kaore rawa nei he whakahe i whakapuakina i taua wa mo te whakauruhanga peratanga o aua ingoa. Ki ta matou whakaaro me whakakore atu tenei keehi, a me whakapumau te ota tuatahi me ona tikanga katoa, a e pera ana ta matou nei tohutohu atu. Ko nga tangata e whitu e mau ake nei nga ingoa i raro he tangata i kowhiria e nga tangata nona te whenua i roto i a ratou hei mema mo te Komiti Hapu mo tenei poraka, a i whakaaetia ano hoki e nga tangata katoa o taua whenua i tae mai ki te aroaro o tenei Komihana i te nohoanga ki Whakatane i te 8 o nga ra o Maehe, 1907. 1. Te Wharepouri te Amo. 5. Timi Tamehana. 2. Tawera Moko. 6. Mihaka Matika. 3. Tupara Kaaho. 7. Hori Aterea. i. Puihi Marutawhao. Gilbert Mair (Tawa). D. F. G. Barclay (Pakere). Paratene Ngata. Waikaremoana Poraka. I timata te whakahaere a tenei Komihana i nga piira mo tenei poraka ki Te Wairoa, Haaki Pei, i te 5 o nga ra o Tihema, 1906, a i haere tonu ano te uiuinga ki Te Wairoa i etahi rangi i muri iho tae noa ki te 19 o nga ra o Tihema, 1906. Piira Nama 83. —A Mahaki Tapiki me etahi atu; e tono ana kia whakaurua te ingoa o Rawinia Mahaki, f., e whitu tau, kia tekau nga hea mona ; a i whakaaetia tena e nga tangata nona te whenua. No reira kua tuhia e matou taua ingoa, Nama 906, ki te rarangi apiti kua tapiritia atu ki te whairu mo Waikaremoana Poraka hei whakauruhanga atu ki te ota mo te tekau hea i tonoa nei, a ki ta matou whakaaro me whakapumau tena whakaotinga. E tono ana ano hoki tetahi wahi o tenei piira kia patua nga ingoa o etahi tangata, hui katoa e iwa tekau ma rua tangata, Ida kore atu i roto o te ota, ko te take kaore ratou i puta mai i te tupuna, a kaore hoki he noho ki te whenua. I nekehia atu te uiuinga o tenei keehi i te Wairoa ki Whakatane kia whai taima ai mo nga tangata e whakahengia nei kia tu mai ki o matou aroaro me i hiahia ratou ki te pera; anote4me te 5 o nga ra o Pepuere, 1907, ka whakahaerea ano tenei keehi ki Whakatane. He nui nga tangata itu mai ki o matou aroaro ki te whakahe i tenei piira me te tono mai ki tenei Komihana kia unuhia atu ki waho 0 te rarangi o nga tangata e whakahengia nei e nga kai-piira a ratou tangata e tu ana ratou hei kaiwhakahaere; ako etahi o aua kai-whakahaere he tangata ake no te whenua, a e noho ana hoki ki Waikaremoana. A i runga i te uiuinga kitea ana e matou e o Komihana ko etahi o enei tangata e whakahengia nei 1 naianei kaore kau i whakahengia i te wa o te Komihana tuatahi, a ko te toenga atu o aua tangata e whakahengia nei he tangata i whakahengia ano i te wa o te Komihana tuatahi, engari i whakaurua nga ingoa o aua tangata e taua Komihana ki te ota i muri i te ata uiuinga me te ata whiriwhiringa o nga whakahe katoa i whakaaria i reira mo aua ingoa, ahakoa he nui ano etahi atu tangata i whakahengia i taua wa kotahi na ano i whakauria nga whakahe, a patupatua ana o ratou ingoa ki waho o te rarangi o te whenua. No reira ki ta matou whakaaro- kaore e tika kia tukua nga kai-piira kia whakahe tuarua ano i naianei mo aua tangata kihai nei i taea e ratou te whakau i ta ratou whakahe i te aroaro o te Komihana tuatahi, a e kore ano hoki e tika kia tukua ratou kia whakahe ana i naianei mo era atu tangata kore rawa nei i whakahengia e ratou itewa o te Komihana tuatahi. No reira i patua ai e matou tenei piira i te 5 o nga ra o Pepuere ka taha nei, a me ta matou tohutohu atu i naianei me whakakore atu taua piira.

6—G. 4.