G.—6

61

5. That each block or parcel of land is subject to all restrictions and limitations imposed by the said Act and the amendments thereto. Given under my hand, at Wellington, this thirtieth day of August, one thousand nine hundred and seven. J. Carroll, Minister of Native Affairs.

[Translation of Order.] OTA I RARO I TEKIONA 10 0 " TE TURE RAHUI MAORI 0 TE TAKIWA 0 TE UREWERA, 1896." Mo runga mo " Te Ture Rahui Maori o te Takiwa o te Urewera, 1896," me ona ture whakatikatika ; a mo runga hoki mo nga piira katoa i whakatakotoria i runga i nga tikanga o aua ture, ara whakahe mo nga whakataunga a nga Komihana i whakaturia i raro i aua Ture. Notemea i runga i tekiona 9 o " Te Ture Rahui Maori o te Takiwa o te Urewera, 1896," (ka huaina i raro nei ko "taua Ture") kua meinga ko ia ota i mahia e nga Komihana e huaina ana i roto i taua Ture me perehi ki roto ki te Kahiti ki te reo Maori me te reo Pakeha, a ki te kore he piira i runga i nga tikanga o taua Ture e takoto mo aua ota i roto i nga marama tekau ma rua, timata atu i te ra i perehitia ai aua ota, hei reira me whakatuturu aua ota ete Kawana : I * A notemea ko taua perehitanga o ia o aua ota kua kiia i runga ake nei kua whakatutukitia i runga i te panui i whakaurua ki roto ki te Kahiti o Niu Tireni Nama 30, o te 5 o nga ra o Hune, 1903 : A notemea i runga i tekiona 10 o taua Ture kua meinga ano hoki ko ia tangata e pa ana he mate ki a ia i runga i tetahi ota i mahia e nga Komihana (a muri ake nei huaina ai ko " aua Komihana "), ka ahei, i runga i nga tikanga kua whakatakotoria, ki te tuku piira ki te Minita mo nga Mea Maori, a hei reira ka ahei te Minita, i runga i tana i mahara ai he tika, ki te whakahau ma etahi tangata matau e uiui e ripoata ki a ia taua take ; a i muri i tana whiriwhiringa i taua ripoata, ka ahei ia ki te whakatuturu toitu i te ota tuatahi, a ki te whakatikatika ranei, ki te whakarereke ranei i taua ota i runga i tana i mahara ai he tika ; a ko tana (ko ta te Minita mo nga Mea Maori) i whakatau ai me tuturu ki tera : A notemea i roto i te wa tekau ma rua marama kua kiia ake nei kua ki etahi tangata kua pa he mate kia ratou i runga i nga huarahi kua kiia ake nei, a kua whakatakoto piira hoki ma ratou : A notemea naku na Timi Kara, Minita mo nga Mea Maori o te Koroni o Niu Tireni, i raro i nga mana me nga kaha kua kiia ake nei, i whakatu, i te 13 o nga ra o Noema, 1906, i a Gilbert Mair (Tawa), i a David Francis Glenville Barclay (Pakere), i tetahi ranei o rau;i me Paratene Ngata, hei whakahaere i taua uiuinga matau, a hei ripoata mai hoki ki ahau hei whiriwhiritanga a hei whakataunga hoki maku i runga i nga tikanga kua whakatakotoria e taua tekiona 10 kua kiia ake nei : A notemea kua whakahaerea taua uiuinga e aua tangata matau, a kua tuku mai hoki i ta ratou ripoata ki ahau, e whakaatu mai ana ko nga tangata e mau na i te rarangi apiti e piri nei ki tenei, nga tangata e tika ana, mo nga hea e mau na i roto, ki nga whenua e whakaatu ake na i roto i taua rarangi apiti: A notemea kua whiriwhiria e au taua ripoata, a kua tirohia hoki e au nga korero, nga tuhituhinga, nga mapi, me nga pukapuka e pa ana ki taua uiuimga, a ki taku whakaaro e tika ana kia whakatutukitia nga kupu tohutohu o taua ripoata : Na reira tenei ahau, a Timi Kara, Minita mo nga Mea Maori o te Koroni o Niu Tireni, i runga i nga kaupapatanga, a i raro ano hoki i nga mana me nga kaha kua whakawhiwhia mai ki ahau e aua Ture kua kiia ake nei, ka whakatuturu nei i aua ota tuatahi a aua_ Komihana i runga ia i nga whakatikatikanga me nga whakarereketanga kua tohutohungia mai e tangata matau, ara : — 1. Mo ia poraka whenua kotahi e whakahuatia ana i roto i nga rarangi apiti e piri nei ki tenei (a e namaia ana i roto timata atu i te Nama 1 tae noa ki te Nama 33, hui atu hoki ki aua nama e rua) ko nga tangata e mau na o ratou ingoa, mo nga hea mo ratou e mau na i roto, nga tangata no ratou nga whenua e whakahuahuatia ana i roto i aua rarangi apiti; a|,i ia wahi e whakawhaititia ana nga paanga o etahi tangata ki tetahi wahi motuhake anake o aua whenua, e whakaaturia ake ana nga ingoa o aua tangata i raro i nga ingoa motuhake i ata whakaingoatia mo ia o aua wahi motuhake o aua poraka. 2. Ko nga rohe o ia mea kotahi o aua poraka whenua koia tenei e whakaatu nei i te mapi e piri nei ki tenei. 3. Ko te whenua e tohu nei " Whenua Papatipu " i runga i taua mapi he whenua kaore i uiuia e aua Komihana, a kaore ano kia mahia he ota mo taua whenua. Kei te takoto tonu taua whenua hei whakahaeretanga i raro i nga tikanga o aua Ture. 4. Mo ia poraka kotahi e whakahuatia nei i roto i te pukapuka rarangi o nga Komiti e piri nei ki tenei, ko nga tangata e mau na o ratou ingoa i te taha o ia mea kotahi o aua poraka, ko ratou tonu hei Komiti (Tarewa) Whakahaere mo taua poraka. 5. Ko ia o aua poraka, o aua piihi whenua ranei, kei te ekengia e nga here katoa me nga whakawhaititanga katoa i utaina ki runga e taua Ture me ona Ture whakatikatika. I whakaputaina atu i raro i toku ringa i Poneke i te 30 o nga ra o Akuhata, 1907. Timi Kara, Minita mo nga Mea Maori.