I.—3a

28

(2) he whakapumau i te rohe potae, i nga rohe hapu, wahanga-hapu, whanau, tangata takitahi hoki mehemea c pai, a hei whakarite hoki i nga hiahia o nga tangata no ratou te, whenua. Me tuhi katoa nga niahi c meatia i raro i tenei upoko kite pukapuka, me whakaatu nga take, me nga huarahi o nga kereeme katoa kite whenua, ima enei huarahi ranei:— • (1) Tupuna (mana-ringa kaha) ; (2) raupatu (rnana-ringa kaha), me whakaatu (a) te mana i tiakina ai te whenua te takiwa i araia ai nga ope taua o waho, (b) pehea te roa o taua mana i puritia ai, (c) na c hea whanau i pupuri taua mana, (d) ko wai ma nga uri tata. Ko nga tangata c kereeme ana i raro i te take tupuna me whakaatu nga huarahi i runga i te whakatuhono penei me to nga whakahaere kooti nei; (3) Ahika ; (4) Tuku, pakuha; (5) Aroha, me etahi atu tikanga, tawhito hou ranei, i raro i nga ritenga me nga huarahi Maori i etahi atu ritenga ranei. Me tuhi katoa kite pukapuka; ko taua pukapuka na te Kai-rehita ote takiwa. Heoi te wa c ahei ai te ruri mo aua whenua te haere, kia taea ra ano' he otinga te whakatau c tetahi o nga hui a te Komiti Papatupu. Ko nga ture katoa c whakaahei ana ite tangata kite tono ruri whenua papatupu me kaua c pa mai ki nga whenua papatupu i muri iho o te paahitanga o tenei Ture. Ko nga whakatau-whakaotinga katoa c oti i te Komici Papatupu ma te Komiti Takiwa c whakapumau, engari mehemea ka tv tonu Te Kooti Whenua Maori ma Te Kooti Whenua Maori. Komiti Poraka. —lna tupono he maha nga tangata no ratou tetahi poraka, a he whenua kaore c pai ana mo te wawahi i te maha rawa o nga tangata o roto, na reira ka ririki rawa nga wawahanga, a ka iti rawa hoki te wariu o nga hea o nga wawahanga ranei, a pau tonu atu te whenua i te utunga i nga ruritanga :me ahei nga tangata no ratou taua whenua ki te pooti i etahi o ratou hei komiti, a me karanga he ingoa mo taua komiti ko te Komiti Poraka. Nga Mahi ma te Komiti Poraka. —He haina i nga pukapuka, he tuku i nga tono c tau ai nga whenua kite Poari, ahe whakahaere i nga mahi hei whakapai ite whenua me era atu mahi c hiahiatia ana c te nuinga o nga tangata no ratou te whenua kia mahia ki runga ki taua whenua. Engari kaua rawa te Komiti Poraka c tahuri kite whakahaere i tetahi mahi kia whakahaua ra ano ratou c te nuinga o nga tangata no ratou taua whenua i te aroaro o tetahi huihuinga o ratou he mea ata karanga mo taua mahi. Ko aua whakahaerenga mahi katoa me tuhituhi ki roto kite pukapuka-rehita a te Komiti Poraka, a ko taua pukapuka ka kiia he pukapuka na te Kai-rehica o te takiwa. Ture Pane Kuini. —l raro i tenei Ture me rite tonu te tikanga mo nga pane kuini c utua ana c nga Maori kite tikanga mo nga pane kuini c utua aua c nga Pakeha mo nga tiiti tuku whenua Pakeha. Me whiriwhiri etahi tangata tino mohio ki nga ture me nga tikanga Maori a me whakatu ratou hei Poari a me whakarapopoto c ratou ki roto ki tetahi ture nga tikanga Maori katoa hei tauira arataki i te Kooti Whenua Maori, i era atu kooti ranei c whakamanangia ana hei whakawa i nga whenua Maori. Koia enei oku whakaaro, kua tuhia pototia c au, hei whakarite i nga hiahia o oku hoa, o nga mema Maori mo nga Takiwa Pootitanga o te Tai Bawhiti me te Tai Hauauru, a hei utu hoki i te tikanga whakahaere a te Kawanatanga i whakaaturia nei c ratou i roto i ta ratou Pire o tera tau, i tautokona nei c Wi Pere. Ka puritia cauki au ano te tikanga o taku whakahe i nga Pire c inea ana kite tango nui i te mana o te tangata kotahi, i te mana ranei o etahi tangata toko maha, ki o ratou whenua, a c mea ana me tuku atu aua mana ki roto kite ringa o tetahi hunga tera c whakaturia hei Komiti hei Poari ranei. Ko te mana whakahaere anake te mana c tuku atu ki nga Komiti, ki nga Poari ranei, a c whakahaerea ai taua mana me matua tono atu c nga tangata no ratou te whenua. Ko nga tino hiahia o te Whakakotahitanga o te iwi Maori i whakapuakina nei ki Waitangi i te maiama o Maehe, kua taha ake nei, ka puritia c au oku whakaaro mo tena mo tetahi wa.

By Authority: Jons Mackay, Government Printer, Wellington.—lB99.