G.—4.

37

Ko nga tangata e ono e mau ake nei nga ingoa i raro he tangata i kowhiria e nga tangata nona te whenua i roto i a ratou hei mema mo te Komiti Hapu mo tenei Poraka, a i whakaaetia ano hoki e nga tangata katoa o taua whenua i tae mai ki te aroaro o tenei Komihana i te nohoanga ki Whakatane 1 te 8 o nga ra o Maehe, 1907. 1. Numia Ruakariata. 4. Te Wakaunua Houpepe. 2. Te Pouwhare te Roau. 5. Hohia te Ahikaiata. 3. Akuhata te Kaha. 6- Tiopira Tamaikoha. Gilbert Mair (Tawa). D. F. G. Barclay (Pakere). Paratene Ngata. . Ruatoki Tonga Poraka. Piira Nama 54.—K0 tenei piira na Mika te Tawhao me etahi atu, he whakauru i etahi tangata e torn tekau ma wha, e kiia ana he tangata paanga tika i mahue ki waho o te ota i te wa o te Komihana tuatahi. . Kaore i whakahengia tenei kereme whakauru, a e mau nei aua ingoa e toru tekau ma wha l roto i te rarangi apiti kua tapiritia atu ki te whairu o nga pukapuka o Ruatoki Tonga Poraka, timata atu i te Nama 281 tae noa ki te 314, me nga hea e whakaatu ana i roto. E penei ana ta matou tohutohu atu, me whakauru atu aua tangata e toru tekau ma wha, me o ratou hea e mau na i taua rarangi, ki te ota mo tenei whenua. Piira Nama 52.—A Waaka Paraone te Ranui me etahi atu, he whakauru i etahi ingoa tangata hou e wha ki te ota. Kaore he whakahe i ara mai mo te whakauruhanga o enei tangata e wha ki te ota, e mau nei o ratou ingoa kei te rarangi kua tapiritia atu ki te whairu—timata i te Nama 315 tae noa ki te 318— me o ratou hea e whakaatu ake ana i roto. A e tohutohu atu ana matou me whakauru atu aua ingoa e wha ki te ota. Piira Nama 57.—A Mehaka Tokopounamu me etahi atu, he whakauru i etahi ingoa tangata hou ki te ota. . .. A i runga i nga whakariterite i waenganui i nga tangata o te whenua me nga kai-pnra, i mahia i waho, a i muri nei ka homai e ratou ki te aroaro o tenei Komihana, e rua tekau ma wha nga tangata, o roto i te rarangi whakauru i homai e nga kai-piira, i whakaaetia e nga tangata nona te whenua kia whakauruhia ; ko Numia Kereru me etahi atu, mo te taha ki nga tangata nona te whenua, i whakahe ki te nuinga atu o nga ingoa tangata ite rarangi whakauru a Mehaka i homai ai; a whakaae ana a Mehaka me whakarere atu tana kereme whakauru mo aua tangata i tana rarangi, me kati tonu i nga ingoa e rua tekau ma wha anake i whakaaetia nei kia uru e nga tangata nona te whenua. No reira kua apititia atu aua ingoa e rua tekau ma wha e tenei Komihana ki te rarangi apiti kua tapirima atu ki te whairu, timata atu i te Nama 319, tae noa ki te Nama 342. A ki ta matou whakaaro me whakapumau enei ingoa me o ratou hea e mau na i taua rarangi apiti kia uru atu ki te ota mo Ruatoki Tonga Poraka. Piira Nama 53 me 55.—A Utiera Tuau me etahi atu ; me Piira Nama 56.—A Te Whenuanui me etahi atu. Ko enei piira e toru i unuhia ite aroaro o tenei Komihana e nga tangata e pa ana ki aua tono ; a i te mea hoki kaore he whakahe, koia matou ka tohutohu penei atu na ko aua piira e toru me whakakore atu. Ko nga tangata e ono e mau ake nei nga ingoa i raro he tangata i kowhiria e nga tangata nona te whenua i roto i a ratou hei mema mo te Komiti Hapu mo tenei poraka, a i whakaaetia ano hoki e nga tangata katoa o taua whenua i tae mai ki te aroaro o tenei Komihana i te nohoanga ki Whakatane l te 8 o nga ra o Maehe, 1907. 1. Numia te Ruakariata. 4. Wharetuna Heremia. 2. Mika te Tawhao. 5- Tupara Kaaho. 3. Taihakoa Poniwahio. 6- Te Wharepoun te Amo. Gilbert Mair (Tawa). D. F. G. Barclay (Pakere). Paratene Ngata. Waikarewhenua Poraka. Piira Nama 60.—A Waaka Paraone te Ranui me etahi atu ;he whakauru ite ingoa kotahi o Waaka Paraone te Ranui ki te ota, kia rua nga hea mona. A i te mea kua whakaae a Turei Tiakiwai—Nama 30 i roto i te ota—i te aroaro o tenei Komihana, me tango atu kia rua nga hea o roto o tona ake paanga e rua tekau nei nga hea i roto i te ota, me hoatu ma Waaka Paraone te Ranui, ai te mea hoki kua whakaae nga taha katoa ki tena tikanga; no reira ki ta matou whakaaro me whakatikatika te ota hei whakapumau i tenei whakaotmga. Piira Nama 58.—A Taihakoa Poniwahio ;he whakatikatika i nga ingoa e rua nei, ara, o Wairiki te Tokatapu Nama 117, me Kerehitini te Tokatapu, Nama 118, i roto i te ota, kia takoto hangai ai, penei na, " Wairiki Pani," me " Kerehitini Pani," i te mea na Pani ke aua fcamariki, e hara i a Te Tokatapu.