38

Q—4

A i te mea e whakaae ana nga taha katoa e tika ana taua korero, no reira kua whakatikatikaina e matou aua ingoa i roto i te ota tuatahi, a me ta matou tohutohu penei atu me whakatikatika pera taua ota hei whakapumau i tenei whakaotinga. Piira Nama 61.—A Hori Aterea me etahi atu ; e tono ana kia whakaititia iho nga hea o etahi tangata i roto i te ota. E ki ana te kai-piira kaore rawa i tika kia pera rawa te nui o nga hea mo aua tangata e whakahengia nei e ia, no te mea kotahi anake to ratou huarahi hekenga iho i te tupuna. Kaore he whakahe i ara mai mo tenei keehi, ahakoa i waihotia e tenei Komihana kia takoto puare ana, mai o te 21 o nga ra o Hanuere tae noa ki te 28 o nga ra o Maehe, 1907, kia whai taima ai mo nga tangata e whakahengia nei kia haere mai ki o matou aroaro whakaatu mai ai i nga take e kore ai e tika kia whakaititia peratia o ratou hea me i hiahia ratou ki te pera, otira ko aua tangata e whakahengia nei kihai i tae mai, a no te hikitanga o te Komihana i Te Whaiti i te 28 o nga ra o Maehe kua taha ake nei ka whakakopia tenei keehi. Ki ta matou whakaaro e tika ana tenei tono kia whakaititia iho aua hea, a kua mama a kua honoa atu e matou ki te whairu o Waikarewhenua Poraka he rarangi e whakaatu ana i nga ingoa o aua tangata, hui katoa e rua tekau ma toru, timata i te Nama 378 tae noa ki te Nama 400 i roto i te ota, me te whakahokinga iho o nga hea ma ratou. A ki ta matou whakaaro me whakatikatika te ota kia pera te takoto. Piira Nama 59.— A Tiopira Tamaikoha, e tono ana kia whakanukuhia ake nga hea ote kia-piira 0 Tiopira Tamaikoha, Nama 418 i roto i te ota, i te wha hea kia noho ki te rua tekau hea, kia rite ai tona paanga ki nga paanga o etahi oto ratou whanau e mau na i roto ite ota; a kia whakauruhia atu hoki ki te ota te ingoa o tana mokopuna o Titia Teko, f., e waru tau, kia rima nga hea mona. Kaore he whakahe i ara mai mo tenei piira, a e tohutohu atu ana matou me whakatikatika te ota hei whakapumau i tenei whakaotinga. Piira Nama 62.—A Te Haenga Paretipua me etahi atu. Ko tenei piira i unuhia eTe Haenga, kaore he kai-whakahe ; a e tohutohu atu ana matou me whakakore atu. Ko te whakatoputanga tenei o nga whakatikatikanga e tohutohungia atu ana kia mahia i raro i nga piira mo tenei poraka : — (1.) E rua nga ingoa hou, Nama 506 me 507, e mau na i te rarangi apiti kua tapiritia atu ki te whairu hei hononga atu ki te ota tuatahi. (2.) Te paanga o Tiopira Tamaikoha, Nama 418 i te ota, kia whakanukuhia ake i te wha hea ki te rua tekau hea. (3 ) Nga paanga o nga tangata e rua tekau ma toru, timata atu i te Nama 378 tae noa ki te Nama 403 l roto i te ota tuatahi, kia whakahokihokitia iho ki nga hea e mau na i te taha o ia ingoa kotahi o ratou i te rarangi apiti kua honoa atu ki te whairu o Waikarewhenua Poraka. Ko nga tangata e whitu e mau ake nei nga ingoa i raro he tangata i kowhiria e nga tangata nona te whenua i roto i a ratou hei mema mo te Komiti Hapu mo tenei Poraka, a i whakaaetia ano hoki e nga tangata katoa o taua whenua i tae mai ki te aroaro o tenei Komihana i te nohoanga ki Whakatane 1 te 8 o nga ra o Maehe, 1907. 1 Hori Aterea. 5. Taihakoa Poniwahio. 2. Te Pairi Tuterangi. 6. Te Wharekiri Paparatu. 3. Te Pouwhare te Roau. 7. Tamehana te Puia. 4. Turei Tiakiwai. Gilbert Mair (Tawa). D. F. G. Barclay (Pakere). Paratene Ngata. Tauwharemanuka Poraka. Piira Nama 63.—A Paora te Pakihi me etahi atu ; he whakauru i etahi ingoa hou e rua tekau ma rima ki te ota ; a i whakaaetia tenei tono e nga tangata nona te whenua, kaore he kai-whakahe ; no reira kua tapiritia atu e matou he rarangi e whakaatu ana i nga ingoa o aua tangata hou e rua tekau ma rima, me nga hea mo ia tangata o ratou, ki te whairu, timata atu i te Nama 340 tae noa ki te 364. A ki ta matou whakaaro me hono atu taua rarangi ingoa me aua hea ki te ota tuatahi. Piira Nama 64.—A Tapui Kaka me etahi atu ; he whakauru i etahi ingoa hou e rima ki te ota. I whakaaetia tenei tono e nga tangata nona te whenua, no reira kua apititia atu e matou aua ingoa e rima, timata atu i te, Nama 365 tae noa ki te 369, me nga hea mo ia tangata o ratou, ki te rarangi e tapiri nei ki te whairu. A me ta matou tohutohu atu me hono atu aua ingoa ki te ota. Piira Nama 65.—A Tupara Tamana ; he whakauru i etahi ingoa tangata hou e toru tekau ma tahi i mahue ki waho ote ota itewa o te Komihana tuatahi. Ai te mea kua whakaae nga tangata nona te whenua me uru aua tangata'me nga hea e tonoa mai nei mo ratou, no reira kua apititia atu e matou aua ingoa ki te rarangi e tapiri nei ki te whairu a e tohungia ana ki nga whika timata atu i te 370 tae noa ki te 400. Ki ta matou whakaaro e tika ana aua ingoa me aua hea kia whakauruhia atu ki te ota ; a ka tohutohu atu nei matou me whakapumau to ratou whakauruhanga atu.