G.—4

39

Ko nga tangata e rima e mau ake nei nga ingoa i raro he tangata i kowhiria e nga tangata nona te whenua i roto i a ratou hei mema mo te Komiti Hapu mo tenei poraka, a i whakaaetia ano hoki e nga tangata katoa o taua whenua i tae mai ki te aroaro o tenei Komihana i te nohoanga ki Whakatane i te 8-o nga ra o Maehe, 1907. 1. Netana te Whakaari. 4. Tupara Tamana. 2. Numia te Ruakariata. 5. Takao Tamaikoha. 3. Tiopira Tamaikoha. Gilbert Mair (Tawa). D. F. G. Barclay (Pakere). Paratene Ngata. Ohiorangi Poraka. Piira Nama 68. —A Mika te Tawhao me etahi atu ;he whakauru ite ingoa o tetahi tangata kotahi, ara o Tapene Raukura, m., ki te ota, kia rua tekau nga hea mona. I whakaaetia tenei tono e nga tangata nona te whenua, kaore he kai-whakahe ; a kua apitiria atu e matou taua ingoa, Nama 382, ki te rarangi hou kua tapiritia atu ki te whairu, me ta matou tohutohu atu me whakauru taua ingoa ki te ota mo taua rua tekau hea kua kiia ake nei. Piira Nama 66, 67, me 69.—A Te Wharau Tapuae me etahi atu ; a Taihakoa Poniwahio me etahi atu; me Te Reweti Ruta me etahi atu. Ko enei piira e toru e whakahe ana ki etahi tangata kei roto i te ota e noho ana, hui katoa e toru tekau ma rua ; a e tono[Jana kia whakakorea atu aua ingoa i roto i te ota ; a ko nga ingoa o aua tangata e toru tekau ma' rua e whakahengia mai nei e mau ana i te rarangi kua tapirihia atu ki te whairu e whakaatu ana i nga whika e noho ana i te taha o ia ingoa kotahi o ratou i roto i te ota. E ki ana nga kai-piira kaore enei tangata e toru tekau ma rua i puta mai i te tupuna nona te whenua. I waihotia tenei keehi e tenei Komihana kia takoto puare ana, mai o te 21 o nga ra o Hanuere tae noa ki te 28 o nga ra o Maehe, 1907, kia whai taima ai nga tangata e whakahengia nei kia tu m: i ki o matou aroaro whakaatu mai ai i nga take e kore ai e tika kia patua atu o ratou ingoa i roto o te ota ; otira kaore he tangata i tu mai ki te whakahe i tenei keehi, a kaore rawa hoki he kupu kotahi i whakapuakina ki o matou aroaro hei whakahe i te korero a nga kai-piira. No reira ki ta matou whakaaro kei te tika ta ratou korero, a ko nga ingoa o aua tangata e toru tekau ma rua e whakahengia nei e ratou me patu'atu kia kore atu i roto o te ota mo tenei poraka ; a e pera ana ta matou tohutohu atu. Ko nga tangata e rima e mau ake nei nga ingoa i raro he tangata i kowhiria e nga tangata nona te whenua i roto i a ratou hei mema mo te Komiti Hapu mo tenei poraka, a i whakaaetia ano hoki e nga tangata katoa o taua whenua i tae mai ki te aroaro o tenei Komihana i te nohoanga ki Whakatane i te 8 o nga ra o Maehe, 1907. 1. Te Wharekiri Paparatu. 4. Te Tawhi Poniwahio. 2. Akuhata te Hiko. 5. Te Wharau Tapuae. 3. Mohomoho Waretini. Gilbert Mair (Tawa) . D. F. G. Barclay (Pakere). Paratene Ngata. Te Purenga Poraka. Piira Nama 70 me 72. —A Te Whenuanui me etahi atu ; me Te Whaiti Paora me etahi atu. Ko enei piira e rua i unuhia e nga kai-piira ; a i te mea kaore he whakahe mo te unuhanga, koia matou ka tohutohu penei atu me whakakore atu aua piira e rua. Piira Nama 71 me 73. —A Mata Tako me etahi atu, me Mehaka Tokopounamu me etahi atu; he whakauru i etahi ingoa tangata hou e ono ki te ota. Kaore i whakahengia tenei tono ; no reira kua hanga a kua tapirihia atu e matou ki te whairu o nga pukapuka o tenei poraka he rarangi e whakaatu ana i aua ingoa e ono me nga hea mo ia tangata o ratou, timata i te Nama 298 tae noa ki te Nama 303, hei whakauruhanga atu ki te ota tuatahi. A ko tetahi wehenga o enei piira e rua he whakanuku i nga hea o etahi tangata e wha tekau ma ono i roto ite ota tuatahi; ako aua whakanukuhanga hea he mea whakariterite mai i waho e nga tangata nona te whenua, a i muri ka kawea mai e ratou ki te aroaro o tenei Komihana kia whakapumautia. Kaore he kupu whakahe i whakapuakina mai mo aua whakanukuhanga hea ; no reira kua apitiria atu e matou aua ingoa e wha tekau ma ono me nga hea whakanuku ki te rarangi e tapiri nei ki te whairu, a e whakaatu nei i nga nama e noho na i te taha o ia tangata kotahi o ratou i roto i te ota. E penei ana ta matou tohutohu atu, ko aua ingoa hou e ono me whakauru atu ki te ota mo aua hea kua whakaaturia ake mo ratou, me nga hea o aua tangata e wha tekau ma ono i roto i te ota tuatahi me whakanuku ake kia noho ki nga hea e mau na i te taha o ia ingoa kotahi o ratou i te rarangi hou kua tapiritia atu ki te whairu. Ko nga tangata e whitu e mau ake nei nga ingoa i raro he tangata i kowhiria e nga tangata nona te whenua i roto i a ratou hei mema mo te Komiti Hapu mo tenei poraka, a i whakaaetia ano hoki e