G.-4

50

Ko tetahi wahi o enei piira e tono ana ko nga ingoa o etahi tangata tekau ma tahi, Nama 22 tae noa ki 29, me Nama 182, 183, me 184, i roto i te ota, me whakanuku ake ; a i te mea kaore i whakahengia nga hea whakanuku i tonoa nei mo ratou, no reira e tohutohu atu ana matou me whakanuku ake kia noho ki nga hea e mau nei i te taha o ia ingoa o ratou i te rarangi apiti kua tapirihia atu ki te whairu. Piira Nama 135.—A Matiu te Kurapa me etahi atu ; he whakanuku i nga hea o etahi tangata e rua tekau ma toru, timata i te Nama 170 tae noa ki te 180, me 185 tae atu ki 196, i roto i te ota ; kaore he kai-whakahe ; a e tohutohu atu ana matou me whakanuku pera ake o ratou hea kia noho ki nga hea e mau na i te taha o ia ingoa kotahi o ratou i te rarangi e tapiri nei ki te whairu. Piira Nama 127.—A Rawiri Kokau me etahi atu. Ko tenei piira i unuhia e nga kai-piira no te mea kaore e pa ana mo Tarapounamu Poraka, a i whakatikatikatia a i whakahaerea mo te Ranga-a-Ruanuku Poraka, a kua whaikuputia ake hoki e matou i roto i a matou kupu tohutohu mo Te Ranga-a-Ruanuku Poraka. Piira Nama 130.—A Atama te Kikiwa, me etahi atu. Piira Nama 140. —A Mehaka Tokopounamu me etahi atu. Ko enei piira he whakauru i etahi tangata hou tekau ma rima ki te ota, a e mau na o ratou mgoa me o ratou hea kei roto i te rarangi apiti e tapiri nei ki te whairu, timata atu i te Nama 898 tae noa ki te 912. Kua whakaaetia tenei tono e nga tangata nona te whenua ;no reira e tohutohu atu ana matou ko o ratou ingoa me o ratou hea me hono atu ki te ota. Ko tetahi wahi o tenei piira he whakanuku i nga hea o etahi tangata e whitu tekau ma toru i roto i te ota • a i te mea kaore he kai-whakahe kua apititia atu e matou o ratou ingoa me o ratou hea ki te rarangi e tapiri nei ki te whairu, timata i te Nama 128 ki te 139, 159, 274 ki 277, 438 ki 440, 454 ki 469, 632 ki 635, 641 ki 659, 698 ki 701, 705, 722, 723, 745 ki 750, 839, me 871, a e tohutohu atu ana matou me whakanuku pera ake o ratou hea. Tetahi wahi ano o enei piira e rua he tono kia patua nga ingoa o etahi tangata kotahi rau e rua tekau ma wha eki nei nga kai-piira kaore he take ki tenei whenua, kia kore atu i roto ite ota. Whakahengia ana tenei tono eTe Wharau Tapuae me Te Whetu Paerata. Ano muri nei ka unuhia atu e nga kai-piira nga ingoa o nga mea e wha tekau ma ono o enei tangata i ta ratou rarangi, toe lho e whitu tekau ma waru nga tangata e whakahengia ana e Mehaka me ona hoa. I te mea kua whakatikaia te rarangi a Te Tuhi Pihopa me tona taha, hui katoa tekau ma waru tangata a kua kitea hoki e matou i roto i te Pukapuka 6, wharangi 52, i whakaaetia e Mehaka Tokopounamu i te aroaro o te Komihana tuatahi nga ingoa o nga tangata e rua tekau ma ono o Warahoe (hapu) i whakaurua nei ki te ota e tana Komihana, no reira kaore a Mehaka e tika kia whakahe i naianei ki nga ingoa o aua tangata i whakaaetia ra e ia i taua wa kia uru ki te whenua. Kati i runga i tena ahua, e toru tekau ma wha nga ingoa e toe ana o nga tangata e whakahengia ana e Mehaka ; ai te ngaro katoa aua tangata ki etahi atu wahi kaore tae mai ki te aroaro o tenei Komihana a i te mea he hea itiiti noa nei nga hea o aua tangata kei roto i te ota, a he tokomaha etahi atu tangata o te whenua kua kiia nei i naianei kia whakanukuhia ake he paanga mo ratou, na reira ki ta matou whakaaro me whakakore atu te keehi whakahe ingoa a Mehaka ma, a ko aua mgoa katoa e whakahengia nei e ia, me o ratou hea e mau na i roto i te ota, me waiho tonu kia mau ana i kona, a e pera ana hoki ta matou nei tohutohu atu. Piira Nama 134.—A Mahaki Tapiki me etahi atu. He whakauru i etahi tangata hou, tekau ma rua ki te ota. I whakaaetia tenei tono, kaore he kai-whakahe ;no reira kua apititia atu e matou o ratou ingoa, timata i te Nama 886, tae noa ki te Nama 897, dm nga hea mo ia tangata o ratou, ki te rarangi apiti e tapiri nei ki te whairu hei hononga atu ki te ota ; a e tohutohu atu ana hoki matou me uru atu ratou ki te ota. Ko tetahi wahi o tenei piira he whakanuku i nga hea o etahi tangata e rua tekau ma wha i roto i te ota, timata i te Nama 197 tae atu ki te 202, 206, 240 ki 242, me 781 ki 795, a i te mea kaore he whakahe i ara mai no reira kua apititia atu e matou o ratou mgoa ki te rarangi e tapiri nei ki te whairu, a me ta matou tohutohu atu me whakanuku ake o ratou paanga kia rite ki aua hea e mau na i roto i taua rarangi. Piira Nama 129.—A Te Wharepapa Atamira me etahi atu ;he whakanuku i nga hea o etahi tangata e toru tekau ma tahi i roto i te ota. Ko nga hea whakanuku mo nga mea tekau ma toru o aua tangata e toru tekau ma tahi. ara mo Te Whatanui Matiu me to ratou whanau, kua whakaaetia, engari i whakahe a Rawiri Kokau ki nga hea whakanuku i tonoa mo nga tangata tekau ma waru o taua ropu e toe ana ; a ko te keehi a Te Tuhi Pihopa mo te taha ki aua tangata tekau ma waru me te keehi whakahe a Rawiri Kokau mo nga hea whakanuku i tonoa mo ratou, i ata whakahaerea i ata uiuia e tenei Komihana a mutu noa ; a i roto i te wa e haere ana te keehi tonoa mai ana e aua hunga kia tirohia tetahi mahinga kai e tautohetia ana e raua i tetahi wahi e karangatia nei ko Te Haka, a ko Paratene Ngata, tetahi o nga Komihana, i haere ki runga ki te whenua, a kitea ana e rua nga mahinga i taua wahi o te whenua ; a ka tika nei te korero o te keehi a Te Tuhi Pihopa. E tohutohu atu ana matou ko aua tangata tekau ma waru me whakawhiwhi ki nga hea whakanuku e mau na i te taha o ia ingoa tangata kotahi o ratou i te rarangi e tapiri nei ki te whairu. Piira Nama 128.—A Kareko Ramari me etahi atu ; he tono kia whakanukuhia ake o ratou hea, a e ki ana hoki no ratou anake te wahi whenua i roto o Tarapounamu Poraka e karangatia nei ko Paepaewhenua te ingoa.